Litt av det som skjer på bruket - og i bransjen.
Ulstein Betong Marine har nyleg fullført levering av 5 stk. flytemoloar (à 50 m.) til Marina Solutions AS. Flytemoloane er no oppankra og monterte midt i hamnebassenget i Harstad. Videoen viser at effekta er svært god og kunden er storleg nøgd! I "kjellaren" på flytemoloane er det tilsaman 80 boder for utleige/sal til båtfolk som treng lagerrom. Vi takkar for oppdraget! (Sjå video nedanfor).
Ulstein Entreprenør har god framdrift i Gjerdegata. Siste del av taket på parkeringskjellaren vart støypt rett før 17.mai. Nok ein god grunn til å markere dagen, og flagget vart heist i bygningskrana.
Ulstein Betongindustri arrangerte også i år ryddedugnad rundt Haddalvika. På ettermiddagen den 11.05.2017 deltok eigne tilsette og innleigde frå Haddal Skulekorps med flott innsats! Det vart samla opp rusk og rask i fleire containarar, som dagen etter vart leverte hos SSR. Vi takkar for innsatsen!
Ulstein Entreprenør AS har fått oppdraget med grunn- og betongarbeid i høve bygging av ny verkstadshall hos Larsnes Mek Verksted AS. Arbeidet skal starte med det fyrste og vil vere fullført over sommaren.
Ulstein Betong AS har investert i heilt ny pumpe-/trommelbil. Bilen er utstyrt med betongtrommel og Putzmeister betongpumpe med rekkevidde på ca 25 meter. Lastekapasiteten er 3-4 kbm. betong og bilen er lite plasskrevande samanlikna med andre betongpumpebilar. Ulstein Betong AS har no ein bilpark som inneheld 2 stk. betongpumpebilar, 2 stk. kombinasjonsbilar (trommel/pumpe) og 5 stk. betongtrommelbilar.
Ulstein Betong Marine har no to nye kranførarar i staben. Radoslaw Gawedzki hadde oppkøyring tidlegare i dag og det gikk strålande. Nyleg har også Marius Vartdal teke kranførarsertifikat. Vi gratulerer begge! Bernt Arve Midtbø i MBA Sikkerhetsopplæring AS var svært godt nøgd med kandidatane.
