Eit viktig steg for klimaarbeidet
Ulstein Betongindustri AS ser mot grønare løysingar
Noreg tek eit historisk steg i klimakampen. Langskip-prosjektet for karbonfangst og -lagring er no sett i drift – eit globalt gjennombrot som viser korleis industrien kan bidra til grøne løysingar.
Karbonfangst og -lagring (CCS) er ein av dei mest lovande metodane for å kutte utslepp frå industrien. Gjennom Langskip blir CO₂ fanga frå industriutslepp, transportert trygt og lagra permanent under havbotnen i Nordsjøen. Prosjektet markerer starten på ei ny tid for norsk teknologi og klimaarbeid.
For oss i Ulstein Betong er dette inspirerande utvikling. Betongbransjen tek store steg for å redusere klimaavtrykket, mellom anna gjennom gjenbruk av materiale, bruk av lågkarbonbetong og lokal produksjon. Langskip viser korleis samarbeid og teknologi kan skape reelle resultat for miljøet.