Flytande bygg

Betong på sjøen

Vi er størst og mest berekraftige i Noreg på produksjon av betongflåtar til havbruksnæringa! Over 200 flytande betongobjekt, der over 130 levert som fòrflåtar, i tillegg 70 skreddarsydde skrogflytande betongkonstruksjonar med andre formål enn til oppdrett av fisk.

Ulstein Betong Marine produserer flytande betongkonstruksjonar i eiga tørrdokk i Haddal i Ulstein kommune. Vi har mange års røynsle og sidan starten i 1988 er det produsert 200 ulike bygg. 

Flytemolo

Det er produsert betongflåtar til fleire produktmarknadar: oppdrettsflåtar til havbruksnæringa, hurtigbåtkaier til privat og offentlig samferdsel, flytekaier til fiskeri og godshandtering og flytemoloar. I tillegg til store rom under havoverflata, gir løysingane våre god bølgedemping og kan også brukast i småbåthavner og marinaanlegg. Bruksområda for skroga våre er nærast uendelege.

Tørrdokkene våre på verftet i Haddal har storleik som tillet produksjon av objekt som har betongskrog med over fire meter djupne og alternativ arealstorleik på inntil 20m x 80m. Volumet i skroga gir store rom til lagerplass og/eller tekniske installasjonar. Storleiken og miljøet i desse romma må opplevast, ta gjerne kontakt for eit besøk hjå oss.

Påbygg vert utført etter kva funksjon og innhald flåten skal ha.