Vellukka sjøsetting av flytemolo frå ny tørrdokk.
Ulstein Betong Marine har no bygd 3 flytemoloar til Øygarden kommune, og denne flytemoloen er den siste i denne serien. Flytemoloane vert kopla i kjede og dannar då 150 meter med vern for småbåthamna. Flytemoloane har «kjellar» og store areal under dekk som skal nyttast til lagerrom, tankar og tekniske installasjonar. Leveransen er gjennom Marina Solutions AS.
Denne sjøsettinga viser også at den nye dokka fungerer godt, og svarar til forventningane for bygging av lange, slanke, flytande konstruksjonar i betong.