Ferske fagarbeidarar i Ulstein Entreprenør

Erlend Magne Lindset og Even Soleng pustar ut etter nyleg avlagt praktisk fagprøve i Anleggsmaskinførarfaget. Begge bestod med særs godt resultat! Teoretisk del vart unnagjort i juni 2016 og den praktiske prøva (over 3 dagar) omfatta grøfting, nedseting av kum og planering. Vi GRATULERER begge som fagarbeidarar!!

Fyrste betonglevering til bustadblokka i Gjerdegata

Torsdag 26.01.2017 vart fyrste betongen levert til bustadblokka i Gjerdegata. Delar av solen er no støypt og arbeidet med grunn og betong held fram for fullt i det flotte januar-vêret. Les meir om prosjektet på våre heimesider. Det er framleis prisgunstige leiligheiter for sal. Kontakt oss for informasjon!

2 flåtar til påbygging og utrustning

Surt, vått og grått...men vi har godt med arbeid! Ulstein Betong Marine har to store flåtar (sjøsette i desember) liggande ved kaia i Haddal for påbygging og utrustning. Begge til kunde Marine Construction AS. Vi satsar på at tømrarane rekk å få bygga tette før neste "snøride"...

Byggeklar bustadtomt på Dimnøya i Ulstein

På Dimnøya i Ulstein kommune har Ulstein Betong Utbygging byggeklare bustadtomter for sal. Biletet viser ei einebustadtomt på Sundgot, med opparbeidde vegar fram til tomta, utbygd breiband, offentleg vatn/kloakk mv. Tomta ligg i flotte omgivnadar med god utsikt, nærleik til turterreng og berre 5 km. frå Ulsteinvik sentrum. Tomtearealet er 872 kvm. Pris : kr. 470 000,- (med tillegg for tinglysing og dokumentavgift). Ta kontakt for meir informasjon og visning.

Full produksjon i Ulstein Betong Marine

Berre få dagar etter sjøseting var det full produksjon igjen i dokka ved Ulstein Betongindustri AS. Ulstein Betong Marine AS produserer no 1 stk fôringsflåte, 2 stk flytemoloar og 1 stk. flytekai for sjøseting i midten av mars 2017. Forskalings- og armeringsarbeidet er godt i gong (armering av botnplater på flytemoloar nærmast på biletet).

Juleferie 2016

Ulstein Betongindustri tek juleferie f.o.m fredag 23.12.16. Vi held stengt fram til mandag 02.01.17.

I staden for julegåver og andre helsingar, gir Ulstein Betongindustri ei gåve til SOS Barnebyer. Vi ynskjer med det alle våre tilsette, kundar, leverandørar og andre samarbeidspartnarar ei rett god jul!